विराटनगर,१५ असार । प्रदेश १ का विभिन्न स्थानमा सलह किरा देखिएका छन् । आइतबार पहाडका दुई जिल्लामा सानो झुण्डमा सलह किरा देखिएको हो ।
‘पाँचथर र खोटाङमा ८–१० वटा सलह किराको सानो झुण्ड देखिएको रिपोर्टिङ भएको छ,’ प्रदेश १ भूमि व्यवस्था कृषि तथा सहकारी मन्त्रालयका प्रवक्ता डाक्टर राजेन्द्र उप्रेतीले भने ‘विराटनगरमा साथीहरुले १–२ वटा भेटिएको फोटो हाल्नु भएको छ, तर अहिले नै आत्तिनु पर्दैन ।’
मन्त्रालयले कृषकलाई सतर्क रहन आग्रह गर्दै किरा भित्रिहाले औषधि छर्कने उनले बताए । ‘बजारमा विषादीको अवस्था र औषधि छर्ने मेसिनको अवस्था के छ भनेर हेर्दैछौं,’ उनले भने, ‘नियमित अवस्था अध्ययन गरिरहेका छौं ।’अनलाइनखवरबाट
