adv
adv

भारतका सीमामा रहेका सलह कीराको झुण्डहरू नेपाल आउने सम्भावना

काठमाण्डाै ,३१ असार । भारतको सीमामा रहेका सलहका झुण्डहरु नेपाल आउने सम्भावना बढेको छ ।

बिहार र उत्तर प्रदेशमा रहेका सलहका झुण्ड जतिसुकै बेला पनि नेपाल आउन सक्ने भएकाले सावधानी अपनाउन प्लान्ट क्वरेण्टीन तथा विषादी व्यवस्थापन केन्द्रका प्रमुख सहदेव हुमागाईंले आग्रह गर्नुभएको छ । सिमावर्ती क्षेत्रका विभिन्न ठाउँमा फैलिएका झुण्ड ठूलो सङ्ख्यामा भने नभएका उहाँले बताउनुभयो ।


थोरै सङ्ख्यामा पनि विभिन्न ठाउँमा छरिएर बसेका हुनाले हावाको गतिसँगै नेपाल आउने सम्भावना बढेको उहाँको भनाई छ । सलहको झुण्ड प्रदेश २ को सर्लाही तथा धनुषा, प्रदेश ५ र सूदूरपश्चिमबाट प्रवेश गर्ने सम्भावना छ । हुमागाईंका अनुसार यो भन्दाअघि नेपाल आएका झुण्डहरु भने अहिले रुकुम पश्चिम तथा बाग्लुङ र म्याग्दीको सिमानामा केही मात्रामा देखिएका छन् ।

प्रतिकूल हावापानीका कारण धेरै सलह तितरवितर भएका र केही मरेका हुन सक्ने उहाँको भनाई छ । बाग्लुङ र रुकुम पश्चिमबाहेक अरु ठाउँमा देखिएको खबर भने नआएको उहाँले बताउनुभयो ।

उहाँका अनुसार हावाको दिशा विपरीत सलह उड्न नसक्ने भएकाले हावाको चाप र दिशाकै कारण भारतबाट नेपाल प्रवेश गरेका र फेरि आउने सम्भावना रहेको उहाँको भनाई रहेको समाचार उज्यालो अनलाइनमा छ ।

Advertise Expired !

Leave a Reply

Your email address will not be published. Required fields are marked *

सम्बन्धित शीर्षकहरु