काकरभिट्टा,१४ साउन । गायक अर्जुन दाहालको ‘तिम्रो मायाले मलाई ‘गीतको म्युजिक भिडियो प्रिमियर गरिएको छ । बुधबार मेचीनगरका रंगकर्मी ,बुद्दिजिबी तथा संचारकर्मीहरुको माझमा उक्त म्युजिक भिडियोको प्रिमियर गरिएको हो ।
गीतमा शब्द ,संगीत र स्वर अर्जुन दाहालको रहेको छ । ओएसिस स्टुडियोले तयार पारेको म्युजिक भिडियो को निर्देशन एन्जल खड्काले गरेका हुन् । अनिश बस्नेतले खिचेको उक्त भिडियोलाई रामचन्द्र पौडेलले सम्पादन गरेका हुन् ।
मेचीनगरका विभिन्न स्थानमा छायांकन गरिएको भिडियोमा प्रमिका श्रेष्ठ र स्वयम् अर्जुन दाहालको अभिनय रहेको छ ।
एन्जल खड्का र अनिश बस्नेत काकरभिट्टाको परिवर्तन थिएटरका कलाकारहरु हुन् । दुबैजनाको पहिलो प्रयासलाई प्रिमियरमा उपस्थितको हौसला र सुझावले आफुहरु खुसि भएको बताए ।
परिवर्तन थिएटरको हलमा गरिएको म्युजिक भिडियो प्रिमियरमा बोल्दै गायक दाहालले भिडियोमा आफै अभिनय गरेको पहिलो अनुभब साट्दै भने ‘मोडलको रुपमा यो मेरो पहिलो प्रयास हो । यहाँहरुले प्रतिक्रिया दिनुभयो भने आगामी दिनमा मलाई अझै राम्रो गर्ने हौसला मिल्ने छ ।’
प्रिमियरमा सहभागी रंगकर्मी,बुद्दिजिबी र संचारकर्मीहरुले भिडियो निकै राम्रो बनेको प्रतिक्रिया दिएका थिए ।
