कविध्वज राई, दमक । झापाको दमकमा सञ्चालित बी डिभीजन प्रदेश स्तरीय ब्याडमिन्टन प्रतियोगिता सम्पन्न भएको छ । दमक १स्थित तिलुङ्छा चाम्लिङ राई कभर्ड हलको उद्घाटनको अवसर डम्बरसिंह, पध्माश्वरी, पूर्णिमा तिलुङ्छा चाम्लिङ राई स्मृति व्याडमिन्टनप्रतियोगिताको आयोजना गरिएको थियो ।
प्रतियोगिताको उपाधि फिदिम पाँचथरका दिपक आङेम्बे र किरण श्रेष्ठले हात पारे । मोरङ गछियाका नवीन राई र प्रताप तामाङलाई१७–२१, १५–२१ को सोझो सेटमा पराजित गर्दै उपाधि हात पारेका थिए ।
प्रतियोगिताको पहिलो सेमिफाईनल खेलमा मोरङ उर्लाबारीका हेम गरुङ र ध्रुव खत्रीलाई २०–२२, १७–२१ को सोझो सेटमा पराजित गर्दैफिदिम पाँचथरले फाईनल यात्रा तय गरेको थियो ।
त्यस्तै दोस्रो सेमिफाईनल खेलमा बिराटनगरका आवाज ओडारी र सुचक खड्कालाई २२–२०, १५–२१, ८–२१ को सेटमा पराजित गर्दैमोरङ गछियाले फाईनल यात्रा तय गरेको थियो ।
प्रतियोगिताको उपाधि चुम्न सफल फिदिम पाचथरका दिपक आङदेम्बे र किरण श्रेष्ठले नगद रु २१ हजार सहित ट्रफि, मेडल र प्रमाणपत्र प्राप्त गरे भने दोश्रो स्थान हुन सफल गछियाका नवीन राई र प्रताप तामाङले नगद ११ हजार सहित ट्रफि, मेडल र प्रमाण पत्रमा चित्तबुझाएको थियो ।
तेस्रो स्थानका उर्लाबारीका गुरुङ, खत्री र विरानगरका ओडरी र खड्काले नगद ७ हजार सहित ट्रफि, मेडल र प्रमाणपत्रमा चित्तबुझाएका थिए ।
प्रतियोगिताको समापन समारोह कभर्ड हल समितिका अध्यक्ष रनबहादुर राईको अध्यक्षतामा तथा दमक नगरपालिका वडा नं. १ कावडाध्यक्ष ताराप्रसाद अधिकारीको प्रमुख आतिथ्यतामा सम्पन्न भएको थियो ।
समापन समारोहको अवसरमा अग्रज ब्याडमिन्टन खेलाडीको रुपमा ८१ बर्षीय जेष्ठ खेलाडी हस्त बहादुर बेघालाई सम्मान गरिएकोथियो ।
