१७ साउन, दमक ।
मंगलबार देशभर थप ८ सय १४ जनामा कोरोना भाइरसको संक्रमण पुष्टि भएको छ ।
५ हजार ४ सय १५ जनाको परीक्षण गर्दा पीसीआर विधिबाट ५ सय ९ जना र एन्टीजेन विधिबाट ३ सय ५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मंगलबार नै २ सय ९९ जना कोरोना जित्न सफल भएका छन् । नेपालमा कोरोना निको हुने दर ९८.३ प्रतिशत रहेको मन्त्रालयको भनाइ छ ।
मंगलबार थपिएको संक्रमित संख्यासँगै देशभर सक्रिय संक्रमित संख्या ५ हजार १ सय ४४ पुगेको छ ।
नेपालमा हालसम्म कोभिड–१९ को संक्रमणबाट ११ हजार ९ सय ६८ जनाको मृत्यु भइसकेको छ । मंगलबार नै थप ११ हजार ५१३ जनाले कोरोनाविरुद्धको खोप पनि लगाएका छन् ।
