३ माघ, दमक ।
झापाको दमक ३ स्थित गोलाटारमा जंगली हात्तीले घर भत्काएर अन्न नष्टगरेपछि मंगलबार दमक नगरपालिकाका प्रमुख, उप प्रमुख र वडा अध्यक्षसहितसुरक्षा निकायका प्रतिनिधिले अनुगमन गरेका छन् ।
नगर प्रमुख रामकुमार थापा, उप प्रमुख रेगिना भट्टराई प्रसाईं, दमक वडा नम्बर ३का वडा अध्यक्ष नवीन बराल, वडा नम्बर २ का वडा अध्यक्ष प्रजापतिसापकोटालगायतले हात्तीको आक्रमण र क्षति बारे अलग अलग अनुगमन गरेकाहुन् ।
क्षतिबारे प्रहरी चौकी बाघखोर र बेलडाँगीस्थित सशस्त्र प्रहरी बलको बेसबाटसमेत आवश्यक अनुगमन भएको बताइएको छ ।
तीन वटाको संख्यामा आएको जंगली हात्तीको बथानले गएराति चन्द्र गुरागाईँ, छवि थापा, शंकर रेग्मीलगायतको घरमा क्षति पुर्याएको र घरमा राखिएको अन्न नष्ट गरेको थियो ।
हात्तीले छावि थापाको धानको भकारी फोरेर २० मन धान खाएको पीडित थापापरिवारले बताएका छन् । त्यस्तै रेग्मीको गुवालीमा राखिएको करिब ४ मन मकैहात्तीले खाएको पीडितको भनाइ छ ।
हात्तीको बिज्याइँ बारे दमक नगरपालिकाको तर्फबाट अनुगमन गर्ने कार्य भएको रसकेको राहत उपलव्ध गराइने नगर प्रमुख थापाले जानकारी दिएका छन् ।
दमक ३ कै एक पसलको भित्ता र सटर फोडेर हात्तीले चामल, चकलेट, बियरलगायत खाएको दमक नगरपालिकाका इन्जिनियर अनन्तप्रसाद सेनेहाङलेजानकारी दिए ।
मंगलबार नै दमक नगरपालिकामा विपत व्यवस्थापन समितिको बैठक बसेकोथियो ।
बैठकमा दमक ६ स्थित नमूना बजारमा भएको आगलागी, हात्ती आतंक र जाडोबढेको जस्ता विषयमा छलफल र निर्णय भएको थियो ।
राहत व्यवस्थापन गर्न समिति
बिपत व्यवस्थापन समितिको मंगलबारको बैठकले नगर उप प्रमुख भट्टराईकोसंयोजकत्वमा ९ सदस्यीय राहत व्यवस्थापन समिति गठन गरेको छ ।
समितिका सदस्यहरुमा वडा नम्बर ६ वडा अध्यक्ष टेकबहादुर थापा, ७ का वडाअध्यक्ष भीम पौडेल, दमक उद्योग बाणीज्य संघका अध्यक्ष, नेपाल रेडक्रससोसाईटी दमक उप–शाखा अध्यक्ष, व्यवसायीहरुको तर्फबाट राजकुमार श्रेष्ठ, खानेपानी तथा सरसफाई उपभोक्ता समितिका प्रतिनिधि सदस्य रहने छन् ।
ईलाका प्रसासन कार्यालय दमक र ईलाका प्रहरी कार्यालय दमक समेतसमितिको सदस्य रहनेछन् ।
समितिको सदस्य सचिवमा दमक नगरपालिकाका पूर्वाधार शाखा प्रमुख एवम्बिपत व्यवस्थापन समितिका फोकल पर्सन ईन्जिनियर अनन्त सेनेहाङ तोकिएकाछन् ।
राहत व्यवस्थापन समितिले नमूना बजार आगलागी पीडित ब्यापारीहरुलाई राहतउपलव्ध गराउन आवश्यक समन्वय गर्ने बताइएको छ ।
