१५ माघ, काठमाडौं ।
विदेशी नागरिकता धारण गरेका कारण नेपाली नागरिकका रूपमा अबैध ठहर भएका रवि लामिछानेले आइतबार नेपालीनागरिकताको प्रमाणपत्र लिएका छन् ।
लामिछानेले जिल्ला प्रशासन कार्यालय काठमाडौंबाट नेपाली नागरिकताको प्रमाणपत्र लिएका हुन् ।
शुक्रबार सर्वोच्च अदालतले उनको नेपाली नागरिकता अबैध रहेको ठहर गरेपछि लामिछानेले सोही दिन गृहमन्त्रीबाट राजीनामादिएका थिए भने उनको सांसद पद र राष्टृय स्वतन्त्र पार्टीको सभापति पद समेत गुमेको थियो ।
२०५० सालमा लिएको नागरिकता त्यागेर अमेरिकी नागरिक भएका लामिछाने ०७५ मा नेपाल फर्किएका थिए ।
अमेरिकी नागरिकता त्यागे पनि नेपाली नागरिकताका लागि सो को निस्सा पेश नगरी लामिछानेले नेपालको प्रचलित ऐन विपरितत्यागेको भनिएको नेपाली नागरिकता नै प्रयोग गरेर राहदानी समेत बनाएका थिए ।
अमेरिकी कानून अनुसार लामिछानेले नेपाली नागरिकता त्यागेर त्यहाँको नागरिकता धारण गरेको भए पनि राष्ट्रिय स्वतन्त्र पार्टी दर्तागर्दा पनि उनले पुरानै नेपाली नागरिकता निर्वाचन आयोगमा पेश गरेका थिए ।
चितवन क्षेत्र नम्बर २ बाट सांसदमा उम्मेद्वार बन्दा पनि लामिछानेले कानूनत: खारेज भइसकेको नागरिकता नै पेश गरेको खुलेकोथियो ।
प्रकृया पूरा गरेर पुरानै नेपाली नागरिकता प्राप्त गरे पनि लामिछानेविरुद्ध नेपालको प्रचलित कानून विपरित रद्द भएको नागरिकताप्रयोग गरेर राहदानी लिएको, राजनीतिक दल दर्ताका क्रममा र निर्वाचनमा उम्मेद्वार बन्दा समेत अबैध नागरिकता प्रयोग गरेर राज्यउपर जाली किर्ते गरेको अभियोगमा पुन: मुद्दा चल्ने र कसुरदार ठहरिएमा सजाय समेत हुन सक्ने कानूनविदहरुको भनाइ छ ।
