३१ साउन,विर्तामोड । झापा बिर्तामोडमा चर्चित पप गायक सविन राई एन्ड द फ्यारो (म्युजिक ब्यान्ड) को सांगीतिक कार्यक्रम हुने भएको छ ।
चर्चित गायक राई र फ्यारो ब्यान्डले बिर्तामोडमा रहेको मोक्ष हस्पिटालिटीमा यही भदौ ६ गते प्रस्तुति दिने आयोजक किरणकुमार संग्रौलाले जानकारी दिए ।
अर्का आयोजक दीक्षान्त पराजुलीका अनुसार प्रवेश शुल्क एक हजार रुपैयाँ राखिएको छ । त्यस्तै, समूहमा आउने दर्शकका लागि पनि विशेष प्याकेज बनाइएको छ । टिकटमा पेय पदार्थ र खाजा निःशुल्क गरिएको जनाइएको छ ।
राईका ‘तिमी नै हौ’ , ‘गुराँसको फेद मुनि’, ‘मलाई अंगाली देउ’, ‘म संसार जित्ने आँट गर्दैछु’ , ‘समर्पण छ मेरो’ , ‘सुन्दरताको’ , ‘धन्यबाद’ जाँऊ कि बसुँ’ आदि गीतहरू हिट छन् ।
