छायांकार तथा निर्देशक भुपेन्द्र लिम्बु तुम्बाहाम्फे आजभोलि निकै व्यस्त देखिनुहुन्छ । उहाँको निर्देशनमा केहि समयको प्रतीक्षा र चर्चा परिचर्चा पछि ‘महल’ सार्बजनिक भएको छ ।
युट्युबबाट भाईरल बनेका गायक सन्तोष परियारको सुमधुर स्वर तथा संगीतमा ‘महल’ गितको म्युजिक भिडियो काठमाण्डौमा एक कार्यक्रम गरी युट्युवबाट सार्बजनिक गरिएको हो । उक्त गीतलाई आशिस अविरलले संगीत संम्योजन गरेका छन् भने किसमल परियारले राग स्टुडियोमा साउण्ड मिक्सिंग गरेका हुन् ।
भिडियोमा ईशा परियारसंगै उनलाई बिनोद न्यौपाने, दिनेश मंग्मु लिम्बु, बिशाल सेनेहाङ्ग लिम्बुले अभिनयमा साथ दिएका छन् । आफुले अहिलेसम्म गरेको भिडियो भन्दा अलिक फरक स्वादको भिडियो बनेको निर्देशक भुपेन्द्र बताउछन् । उनको अनुसार निकै मेहनत गरेर भिडियो छायांकन गरिएको थियो । भिडियोमा निर्देशनको अलावा छायांकन समेत भुपेन्द्र लिम्बु तुम्बाहाम्फेले गरेका हुन् ।
उक्त म्युजिक भिडियोमा दलित भनेर समाजले हेला र तिरस्कार गर्दाको परिणाम मृत्युसम्म हुन पुगेको यथार्थतालाई कलात्मक रुपमा प्रस्तुत गरिएको छ । सो भिडियो इन्टरनेसनल क्लब सानेपा स्थित करिब २०० बर्ष पुरानो दरबारको आसपासमा सुटिङ्ग गरिएको हो ।
भिडियो हेर्नका लागि तलको लिङ्कमा क्लिक गर्नुहोस् ।
