माङसेबुङ, १८ बैशाख । नेपाल कम्युनिष्ट पार्टी (नेकपा) माङसेबुङ गाउँपालिका कमिटिले एक लाख पाँच हजार बराबरको राहत सामग्री गाउँपालिकालाई हस्तान्तरण गरेको छ । आज बिहिबार माङसबेबुङ ३ चतुरेमा गाउँपालिकालाई सो सामग्री हस्तान्तरण गरेको हो ।
नेकपा माङसेबुङले एक हजार केजी चामल, १५ काटुन खाने तेल, पाँच सय केजी नुन र एक सय केजी दाल गाउँपालिकालाई उपलब्ध गराएको नेकपा माङसेबुङ अध्यक्ष हेमन्त राईले बताए । अध्यक्ष राईले हरप्रहरसँग कुरा गर्दै भने–यो विपतको समयमा यो पार्टी र त्यो पार्टी भनेर खुट्टा तानातान भन्दा पनि हामि सबै मिलेर कोरोना भाइरसलाइ परास्त गर्न हामी सबैको एउटै मिसन हुनुपर्ने बताए ।
लकडाउन (बन्दाबन्दी) का कारण समस्यामा परेका असंगठित मजदुर, विपन्न, असक्त परिवारलाईका लागि गाउँपालिकाले पहिलो चरणको राहत वितरण गरिसकेको छ ।
राहत सामग्री माङसेबुङ गाउँपालिका अध्यक्ष डिकेन्द्र इदिङगो, उपाध्यक्ष सुनिता सुब्बा, प्रमुख प्रसासकिय अधिकृत डिल्लीराम सुवेदी साथै वडाअध्यक्षहरुको उपस्थितिमा सो सामग्री हस्तान्तरण गरिएको हो ।
