पशुपतीनगर,२५ बैशाख । इलामको नेपाल भारत सिमाको बजार पशुपतीनगरमा रहेको क्वारेन्टिनमा रहेका ३६ जनाको र्यापिड टेस्ट नेगेटिभ आएको छ ।
सूर्योदय नगरपालिकाले क्वारेन्टिनमा रहेका सूर्योदय नगरबासी तथा जिल्लका अन्य स्थानिय तह र अन्तर जिल्लाका ३३ जनालाई परिक्षणपछि नियम अनुसार होम क्वारेन्टिनका लागि घर पठाइएको छ । सूर्योदय नगरपालिका–२ पशुपतीनगरमा २ स्थानमा रहेका क्वारेन्टिनमा जम्मा ५८ जनालाई राखिएको छ ।
प्राथमिक स्वास्थ्य केन्द्र पशुपतीनगरमा २४ महिला र २ जना पुरुष गरी २६ जनालाई राखिएको छ । त्यसैगरी सार्वजनिक आधारभुत विद्यालयमा २९ जना पुरुषलाई क्वारेन्टिनमा राखिएको छ ।
सिमा क्षेत्र भएकाले पशुपतीनगरमा उच्च सतर्कता अपनाइएको छ । चेकजाँच स्थलमा नगर प्रमुख रणबहादुर राई, वडा नं १३ का अध्यक्ष नरबहादुर सुवेदी, नगर प्रमुखका स्वकिय सचिव दिपेश राई लगातयको उपस्थिती रहेको थियो ।
