विराटनगर,२८ बैशाख । प्रदेश १ को विराटनगरबाट थप दुई जना कोरोना भाइरसबाट संक्रमितहरू निको भएका छन् । उनीहरु अस्पतालबाट डिस्चार्ज भएका छन्।
निको हुनेहरु भोजपुर र झापाका रहेका छन् । उनीहरु विराटनगरको कोसी अस्पताल कोभिड १९ उपचार केन्द्रमा वैशाख १० र १२ गते भर्ना भएर उपचार गराइरहेका थिए ।
भोजपुरका २७ वर्षीय युवक १० वैशाखमा अस्पताल भर्ना भएका थिए । झापा दमकका ६३ वर्षीय वृद्धलाई १२ वैशाखमा कोरोना देखिएपछि कोभिड १९ उपचार केन्द्रमा भर्ना भएका थिए ।
कोरोना रिपोर्ट नेगेटिभ देखिएपछि उनीहरुलाई डिस्चार्ज गरिएको कोसी अस्पताल कोभिड १९ उपचार केन्द्रका चिकित्सक दीपक सिग्देलले जानकारी दिए ।
प्रदेश १ मा संक्रमितको संख्या ३५ छ । जसमा १६ जना डिस्चार्ज भएका छन् भने १९ जनाले उपचार गराइरहेका छन्।
