मेचीनगर, २६ जेष्ठ । झापाको मेचीनगरका १ जनामा कोरोना भाइरसको संक्रमण पुष्टि भएको छ ।
भारतबाट आएर मेचीनगर वडा नं ४ को पशुपती माविको क्वारेन्टिनमा रहेका पुरुषमा कोरोनाको संक्रमण पुष्टि भएको स्वास्थ्य कार्यालय झापाका फोकल पर्शन जीवन चौलागाईंले जानकारी दिएका हुन् नगरमा पहिलो पटक कोरोना भाइरसको संक्रमण पुष्टि भएको हो ।
पशुपती माविको क्वारेन्टिनमा रहेका १३ जनाको गत जेठ २२ गते स्वाब संकलन गरि पीसीआर परीक्षणको लागि कोशी प्रादेशीक प्रयोगशाला विराटनगर पठाइएको थियो । जस अन्तर्गत १ जनामा संक्रमण पुष्टि हुँदा १२ जनाको पीसीआर नतिजा भने नेगेटिभ आएको छ ।
संक्रमित ब्यक्तिलाई कोभिड आइसोलेशन अस्पताल गोठगाउँ मोरङ लगिएको फोकल पर्शन चौलागाईंले बताए ।
त्यस्तै झापाको हल्दीबारी गाउँपालिकाका २ जना र गौरीगञ्जका ७ जनामा समेत कोरोनाको संक्रमण पुष्टि भएको छ । हल्दिबारिमा पनि पहिलोपटक कोरोना संक्रमण पुष्टि भएको हो । झापामा देखिएका सबै संक्रमित भारतको दिल्ली र मुम्बईबाट आएका पुरुषहरु हुन् । झापामा यो सँगै १ सय ४८ जनामा संक्रमण देखिएको छ ।
