बिर्तामोड । झापाका तेक्वान्दोका अन्तर्राष्ट्रिय खेलाडी दिपेन धिमालले अर्जुनधारा क्वारेन्टिनमा रहेका महिलाका लागि सेनेटरी प्याड प्रदान गरेका छन् ।
धिमालले अजुनधारा नगरपालिका शनिचरे मा.वि काे क्वारेन्टिनमा रेहका १५ जना महिलाका लागि ३० प्याकेट सेनेटरी प्याड निशुल्क सेनेटरी प्याड वितरण गरेका हुन् । क्वारेन्टिनमा रहेका महिलाहरुलाई महिनावारी हुँदा उनीहरुको स्वास्थ्यमा आईपर्ने समस्यालाई मध्यनजर गरी सेनेटरी प्याड वितरण गरिएको उनले बताए ।
साथै क्वारेन्टिनमा खटिएका स्वास्थ्यकर्मी, सुरक्षाकर्मीलाई पनि सर्जिकल मास्क र एक दर्जन साबुन पनि प्रदान गरेका छन् ।
अर्जुनधारा नगरपालिका वडा न.९ का स्थानीय बासिन्दा दिपेनले यसअघि पनि लकडाउनका बेला समस्यामा परेका विपन्न २ सय परिवारलाई राहतस्वरुप खाद्यान्न सामग्री उपलब्ध गराएका थिए ।
