बिर्तामोड,९ असार । झापाको बिर्तामोडमा दुई जना युवामा कोरोना भाईरस संक्रमण पुष्टि भएको छ । बिर्तामोड नगरपालिकामा कोरोना संक्रमण पहिलो पटक पुष्टि भएको हो ।
संक्रमितहरु बिर्तामोड ५ का ३६ वर्षीय र ७ का ४६ वर्षीय पुरुषहरु रहेको सामाजिक बिकास मन्त्रालय प्रदेश १ ले जनाएको छ । उनीहरु भारतबाट आएर मेची आँखा अस्पतालको क्वारेन्टिनमा बस्दै आएका थिए । उनीहरुको असार ७ गरे नमुना संकलन गरिएको थियो ।
यो संगै झापामा कोरोना संक्रमितको संख्या १९४ पुगेको छ । यो सँगै झापाका १५ वटै स्थानिय तहमा कोरोना संक्रमण फैलिएको छ ।