झापा,१७ असार । झापामा आज बुधबार थप २० जनामा कोरोना संक्रमण पुष्टि भएको छ । संक्रमण पुष्टि भएकाहरुमा मेचीनगरका ७, गौरादहका ७ जना, बुद्धशान्तीका ५, जना, र गौरीगञ्जका १ जना रहेको स्वास्थ्य कार्यालय झापाका फोकल पर्शन जीवन चौलागाईंले जानकारी दिए ।
मेचीनगरमा पुष्टि भएकाहरुमा ६ महिला र एकजना १३ बर्षीय बालक रहेको सामाजिक विकास समिति संयोजक नबिन बरालले जानकारी दिए । उनीहरु वडा नं ५ का ४ जना, वडा नं १० का २ जना, ११ का १ जना रहेका छन् ।
संक्रमित सबै भारतबाट आएर धुलावारी स्थित अतिथि सदन भवनको क्वारेन्टिनमा रहेका थिए ।
यो संगै मेचीनगरमा मात्र संक्रमितको संख्या २७ पुगेको । भने झापामा आज थप २० जनामा कोरोना पुष्टिहुँदा झापामा कुल संक्रमितको संख्या २४९ पुगेको छ ।