adv
adv

तीजको खर्चबाट विपन्नको लागि एक करोडको कोष स्थापना

झापा । झापाको मेचीनगर नगरपालिका वडा नम्बर ९ का सामाजिक क्षेत्रमा क्रियाशील महिलाले हरितालिकाका अवसरमा सोमबार विपन्न जनहित कोष स्थापना गरेका छन् ।

उनीहरुले नजिकिँदै गरेको तीजको खर्च कटाएर मेचीनगरभित्र आर्थिक, सामाजिक र सांस्कृतिक रुपमा पछि परेका विपन्न समुदायलाई आकस्मिक स्वास्थ्य सेवा उपलब्ध गराउने उद्देश्यले सो कोष स्थापना गरेका हुन् ।

शुरुमा वडाका २०२ महिला मिलेर रु दुई लाख २९ हजारको कोष स्थापना गरिएको छ । कोषमा उनीहरुले प्रतिव्यक्ति एक हजारका दरले रु दुई लाख २ हजार र सोही वडामा रहेका सन्तोष गौतमले सहयोगस्वरुप प्रदान गरेको रु २९ हजार गरी रु दुई लाख २९ हजारको कोष स्थापना गरेको पत्रकार भेटघाटमा सार्वजनिक गरिएको हो ।

तत्काल मेचीनगर –९ बाट शुरु गरिएको कार्यलाई नगरस्तरीय बनाउने र कोष रकम रु एक करोड पु¥याइने योजना रहेको कोष सञ्चालक समितिका अध्यक्ष रेणुका डाँगीले बताईन् ।

सचिव जानुका ओलीका अनुसार कोष वृद्धिका लागि प्रत्येक घरधुरीबाट मासिक रु पाँच सङ्कलन गरिने र देशविदेशमा रहेका सम्पूर्ण दाजुभाइ तथा दिदीबहिनीसहित उद्योगी व्यवसायीलाई अनुरोध गरिने छ ।

कोषबाट नगरभित्र स्थायी बसोबास गरी ज्यालामजदूरी गर्दै आएका गरीब, विपन्न, असहाय र सीमान्तकृत समुदाय आकस्मिक बिरामी पर्दा खर्च गरिने बताइएको छ ।

मस्तिष्क, मुटु, मिर्गौला, अलजाइमर, स्पाइनलकर्ड इन्जुरी, क्यान्सर जस्ता रोगमा नेपाल सरकारले दिने सहयोगले मात्र उपचार सम्भव नहुने अवस्थामा कोही नगरवासी पनि उपचारबाट वञ्चित हुन नपरोस् भन्ने उद्देश्यका साथ स्थापना गरिएको कोषको कार्यविधि बनाएर तत्काल लागू गरिने संस्थाका कोषाध्यक्ष लीना भण्डारीले जानकारी दिइन् ।

उनका अनुसार स्वास्थ्य बीमा गर्न नसक्ने विपन्न समुदायलाई कोषको रकमबाट बीमा गरिदिइने छ । कोष सञ्चालनका लागि डाँगीका अध्यक्षतामा २५ सदस्यीय समितिसमेत गठन गरिएको छ । रासस

adv

Leave a Reply

Your email address will not be published. Required fields are marked *

सम्बन्धित शीर्षकहरु