झापा । गायिका जुनु राई र हेमन गुरुङको आवाजमा रहेको गीत “दोंग्देमुन् बजार ” बोलको गीत सार्वजनिक भएको छ ।
भिडियो गायक हेमन गुरुङको अफिसियल युट्युब च्यानल “हेमन गुरुङ ”मार्फत सार्बजनिक गरिएको छ ।
सुष्मा रानाहँमाको शब्द रहेको गीतको संगीत बिनोद खम्बुकै रहेको छ । सुष्मा दक्षिण कोरियामा रहेर साहित्य सिर्जनामा कलम चलाईरहेकी छिन ।
पुर्बेली लयमा बनिएको गीतमा कोरियाको चाड छुसक को चर्चा साथै दोंग्देमुन् बजारको गेट न ३ को चर्चा गरिएको छ । कोरियामा नेपालीहरुको जमघट र भेटघाट हुने ठाउँ दोंग्देमुन् बजारको गेट न ३, कोरियाको सउल देखि कोरियामा नेपालीहरुको माया पिरतीको झल्को गीतमा पाउन सकिन्छ ।
राजु कार्कीले एरेन्ज गरेका गीतको भिडियोमा हेमन र जुनु आँफै फिचर्ड छन् । (भिडियो )