मेचीनगर, २५ भदौ । झापाको मेचीनगरमा आज थप ५ जना कोरोना संक्रमणबाट निको भएर घर फर्किएका छन् ।
मेचीनगरका ५ जना पुरुष विहीबार धाइजनको आइसोलेसन वार्डबाट कोरोना संक्रमणबाट निको भएर घर फर्किएका हुन् ।
मेचीनगरपालिकाका सामाजिक विकास समिति संयोजक नविन बरालका अनुसार आइसोलेसनबाट कोरोना संक्रमणबाट निको हुनेहरू मेचीनगर –२ का ३ जना, मेचीनगर–७ का १ जना र मेचीनगर–१० का १ जना रहेका छन् ।
उनीहरूको १५ दिनअघि पीसीआरको रिपोर्ट पोजेटिभ आएपछि धाइजनको आइसोलेसन वार्डमा राखेर उपचार गरिएको थियो ।
योसँगै मेचीनगरमा कोरोनाबाट निको हुनेको संख्या १०९ पुगेको छ भने मेचीनगरमा हालसम्म कुल संक्रमित १२३ जना रहेको संयोजक बरालले बताए।
बाँकी १४ जनाको झापा, सुनसरी र विराटनगरको कोभिड अस्पतालमा उपचार भईरहेको छ ।
