प्रथम पुरस्कार वितरण गर्दै रिडर्स झापाका अध्यक्ष प्रसाई
मेचीनगर, २२ असोज । विश्व दृष्टि दिवसका अवसरमा मेची नेत्रालयले आयोजना गरेको अनलाइन चित्रकला प्रतियोगिता सम्पन्न भएको छ । प्रतियोगितामा धुलावारीस्थित इस्ट होराइजन अङ्ग्रेजी माध्यमिक विद्यालयका छात्र अभिषेक प्रधान प्रथम भएका छन् ।
दोश्रो पुरस्कार वितरण गर्दै मेची नेत्रालयका डाइरेक्टर डा.राई
यस्तै प्रतियोगितामा काँकरभिट्टाको नर्थ प्वाइन्ट अङ्ग्रेजी माविका बिरुना राईले दोस्रो र धुलावारी माध्यमिक विद्यालयका सहनाज अली तेस्रो भएका छन् ।
प्रथम विजेताले प्रमाणपत्रसँगै ५ हजार रुपैयाँ नगद ,दोश्रो र तेश्रोले ३ हजार र २ हजार रुपैयाँ नगद प्राप्त गरेका छन् ।
दोश्रो पुरस्कार प्रदान गर्दै देही आर्टका निर्देशक शेर्पा
प्रतियोगितामा मेचीनगरका २१ विद्यार्थीले प्रतिस्पर्धा गरेका थिए । फेसबुकमार्फत गरिएको शेयर, लाइक र निर्णायकको निर्णयको आधारमा मूल्याङ्कन गरिएको थियो ।
आज एक कार्यक्रमबीच विजेतालाई निर्णायक रिडर्स झापाका अध्यक्ष उज्ज्वल प्रसाईं, देही आर्टका निर्देशक छितेन शेर्पा र मेची नेत्रालयका मेडिकल डाइरेक्टर डा. शरदचन्द्र प्रकाश राईले पुरस्कार तथा प्रमाणपत्र प्रदान गरेका थिए ।
