मेचीनगर । झापाको मेचीनगरमा थप ४ जना स्थानीयमा कोरोना संक्रमण पुष्टि भएको छ ।
मेचीनगर सामाजिक विकास समिति संयोजक नबिन बरालका अनुसार मेचीनगर वडा नं ७ का १ जना पुरुष, वडा नं १ का २ जना स्थानीय पुरुषमा कोरोना पुष्टि भएको हो ।
कन्काई कोटिहोम पीसीआर प्रयोगशालाबाट आज प्राप्त भएको रिपोर्टमा कोरोना संक्रमण पुष्टि भएको बरालले जानकारी दिए ।
उनका अनुसार इटहरीबाट स्वाब संकलन भएका मेचीनगर ८ का थप एक जनामा समेत कोरोना पुष्टि भएको छ ।
योसंगै मेचीनगरमा कोरोना संक्रमितको कुल संख्या २०७ पुगेको छ ।
