भ्यूटावरमा होइन अनुसन्धान केन्द्रमा लगानि गरौ, २५ वर्षमा देश समृद्ध बन्छ–महावीर पुन

काठमाडौ । यतिबेला भ्युटावरहरूमा नभइ अनुसन्धान केन्द्रमा लगानि गरे २५ वर्ष भित्रमा नेपाल समृद्ध बन्ने महावीर पुनले बताएको छ । उनले आफ्नो फेसबुक पेजमा एक स्टाटस लेख्दै सो कुरा बताएको हो ।

यतिबेला भ्युटावरहरूमा करोडौ लगानि गर्दु भन्दा विभिन्न ठाउँहरूमा अनुसन्धान केन्द्र स्थापना गरि त्यहि क्षेत्रका प्रतिभावान युवाहरूलाइ अवसरको बाटो बनाउनु पर्ने कुरा बताएका छन् । टेम्केमा १४ कराेडकाे लागतमा बन्न लागेकाे टेम्के डाँडाकाे टावरमा लगानि गर्नु भन्दा त्यहि अनुसन्धान केन्द्र खाेल्न सुझाव दिएका छन् ।

भर्खरै मात्र प्रदेश नं। १ का मुख्य मन्त्री शेरधन राईले शिल्यानाश गरेको टेम्के भ्युटावरलाई इङ्कित गर्दै उनले लेखेका छन्ः भ्युटावर बनाउने पैसाले त्यही डांडामा एउटा अनुसन्धान केन्द्र खोलेर त्यो भेकमा भएका प्रतिभाशाली र सृजनशील ब्याक्तिहरुलाई पालन पोषण गर्ने र उद्यमी बनाउने कामको सुरुवात गरेमा धेरै फाइदा होला ।

महावीर पुनले उहाँकाे फेसबुक पेजमा लेख्नुभएकाे स्टाटस जस्ताकाे तस्तैः

यो कुरा झुटो हो भने ठिकै छ र मलाई पनि माफ दिनु होला । तर यो समाचार सही हो भने त्यो भ्युटावर बनाउने पैसाले त्यही डांडामा एउटा अनुसन्धान केन्द्र खोलेर त्यो भेकमा भएका प्रतिभाशाली र सृजनशील ब्याक्तिहरुलाई पालन पोषण गर्ने र उद्यमी बनाउने कामको सुरुवात गरेमा धेरै फाइदा होला । त्यो टेम्के डाँडामा मात्रा होइन कि नेपालका अरु अरु ठाउँहरुमा पनि करोडौं रुपैंया खर्च गरेर भ्युटावर बनाउन तम्सिने नेताहरुले पनि यो मैले भनेको कुरा कान च्यातेर सुन्नु होला । किन भने यस्तो कुरा कुनै बकम्फुसे नेताको दिमागबाट निस्कने कुरा हो | मैले भनेको जस्तै काम गर्यो भने २५ बर्ष भित्रमा नेपाल समृद्ध देश बन्छ । मैले यसो भन्दा कसैलाई धेरै रीस उठ्छ भने त्यहि डांडामा गएर खोल्सा तिर हाम फाल्नु होला । कुरा सुन्दा ता हड्डी देखि नै झनक्क रिस उठेर पो आयो त होउ

मैले गल्ति बोलेको छैन । पहिला देशलाई समृद्ध बनाउँ अनि त्यस्ता भ्युटावरहरु भविष्यमा जति बनाए पनि बनाउनु होला । धन्यवाद –