काठमाडौं, १८ पुष ।
आज आइतबार दिउँसो १ बजेका लागि डाकिएको प्रतिनिधि सभाको बैठक स्थगन भउको छ ।
सत्ता साझेदार दल नेकपा माओवादी केन्द्रको आग्रहमा आइतबारका लागि डाकिएको प्रतिनिधि सभाको बैठक स्थगित गरिएको संसद् सचिवालयले जनाएको छ ।
बैठक दिउँसो १ बजेका लागि बोलाइएको थियो ।
माओवादी केन्द्रले आफ्नो पार्टीको आठौं महाधिवेशनको बन्दसत्र जारी रहेको कारण देखाउँदै प्रतिनिधि सभा बैठक स्थगित गर्न सभामुख अग्निप्रसाद सापकोटालाई आग्रह गरेको संसद् सचिवालयको भनाइ छ ।
संघीय संसद् सचिवालयका अनुसार अब पुष २२ गते प्रतिनिधि सभाको अर्को बैठक बस्नेछ ।
बैठकका कार्यसूचि तयार गर्न आइतबार बोलाइएको कार्यव्यवस्था समितिको बैठक पनि स्थगित भएको संसद् सचिवालयको भनाइ छ ।
