काठमाडौं, २५ पुष ।
म्यानमारको माण्डलेमा आयोजना हुने मिसेस ग्रान्ड इन्टरनेशन २०२२ मा नेपालबाट उर्मिला उप्रेती सिलवालले भाग लिने भएकी छन् ।
रिवन इन्टरटेनमेन्टका अध्यक्ष निशुकान्त झाका अनुसार मिसेस ग्रान्ड इन्टरनेशनल नेपाल २०२१ उर्मीला उप्रेती सिलवाललाई आगामी अप्रिलमा म्यानमारको माण्डेलामा हुने मिसेस ग्रान्ड इन्टरनेशनल २०२२ मा नेपालको प्रतिनिधित्व गराइनेछ ।
भैरहवाकी उर्मिला केही अघि रिवन इन्टरटेनमेन्टको आयोजनामा राजधानीमा सम्पन्न मिसेस नेपाल वल्र्डमा अन्तिम चरणसम्म पुग्न सफल भएकी थिइन् ।
आइतबार राजधानीको अनामनगरस्थित बसेरा बुटिक होटलमा आयोजित एक समारोहका बीच उप्रेतीलाई मिसेस ग्रान्ड इन्टरनेशनल नेपाल २०२१ ताज पहिराइएको हो ।
सो समारोहमा प्रमुख अतिथी नेपाली सेनाका पूर्व प्रधानसेनापती रुक्मागत कटुवाल, सौन्दर्य प्रतियोगिता संघकी उपाध्यक्ष रमी श्रेष्ठ बज्राचार्य, पत्रकार विदुर गिरी, गायक तथा नेपाल आयल निगमका पूर्व निर्देशक सीताराम पोखरेल र पेजेन्ट निर्देशक निशुकान्त झालगायत सहभागी थिए ।
कोरियोग्राफर तथा इभेन्ट सञ्चालक अश्विनीकान्त झाद्वारा सञ्चालित समारोहमा मिसेस नेपाल वल्र्ड दीक्षा केसी, मिसेस नेपाल इन्टरनेशनल २०१८ तथा मिसेस एसिया प्यासिफिक चन्दा थापा गिरी, मिसेस नेपाल इन्टरनेशनल २०१९ भाविशा कोइरालालगायतले उर्मिलालाई सफलताको शुभकामना दिएका थिए ।
