२५ असार, काठमाडौं ।
शनिबार थप १ सय २ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जानकारी अनुसार देशभरमा २ हजार ६ सय १५ जनामा परीक्षण गर्दा १ सय २ जनामा संक्रमण पुष्टि भएको हो ।
यससँगै देशभर संक्रिय संक्रमितको संख्या ६ सय ५ पुगेको छ ।
१ हजार ५ सय ३९ पीसीआर परीक्षणमा ७२ र १ हजार ७६ एन्टिजेन परीक्षणमा ३० जना गरी १ सय २ जना संक्रमित थपिएका हुन् ।
पछिल्लो २४ घण्टामा ३१ जना कोरोना संक्रमणमुक्त भएका मन्त्रालयले जनाएको छ ।
