२० साउन, दमक ।
‘हाम्रो दमक राम्रो दमक’ बनाउने अभियानअन्तर्गत झापाको दमक पशुहाट डाँडामा स्वतःस्फूर्त खुल्ला सयपत्री फूल रोपण कार्यक्रम सम्पन्न गरेका छन् ।
दमकमा स्वतन्त्र दमकवासी अभियानका युवाहरुले शुक्रबार पूर्व पश्चिम राजमार्गको खाली ठाउँहरुमा फूल रोपेको दमक उद्योग वाणिज्य संघका प्रथम उपाध्यक्ष राजु खड्काले जानकारी दिए ।
यस्ता कार्यक्रमले दमकको वातावरण सुधार र सौन्दर्यता निर्माणमा थप मदत गर्ने उपाध्यक्ष खड्काको भनाइ छ ।
कार्यक्रममा उल्लेख्य मात्रामा युवाहरुको उपस्थिति रहेको थियो ।
यस किसिमका कार्यक्रमहरु अझ प्रभावकारी बन्दै अगाडि बढ्नु पर्ने स्थानीयको भनाइ छ ।
