२९ भदौ, दमक ।
कामना सेवा विकास बैंक पाडाजुङी शाखाले राष्ट्रिय बाल दिवसको अवसरमा बुधबार दमक २ स्थित हाम्रो बाल आश्रमलाई खाद्यान्न वितरण गरेको छ ।
बैंकका प्रदेश नम्बर १ प्रमुख खिमलाल भुसालको प्रमुख आतिथ्यतामा बैंकले आश्रममा विभिन्न कार्यक्रम गर्नुका साथै त्यहाँका बालबालिकाका लागि स्कूल सुज समेत वितरण गरेको शाखा प्रबन्धक कमला तिम्सिनाले जानकारी दिइन् ।
सो अवसरमा बालबालिकालाई पाठ्य सामग्रीसमेत वितरण गरिएको थियो ।
बैंकले देशैभर बाल दिवसमा विभिन्न कार्यक्रम गरी मनाएको जनाएको छ ।
बुधबार बाल दिवसको अवसरमा देशैभरका विद्यालयहरुमा समेत विभिन्न कार्यक्रम गरिएको थियो ।
