२ मंसिर, दमक ।
आइतबार सम्पन्न हुने प्रतिनिधिसभा तथा प्रदेशसभा सदस्य निर्वाचन, २०७९ को लागि झापा जिल्लामा सबै तयारी पूरा भएको छ ।
जिल्ला निर्वाचन कार्यालय झापाले दिएको जानकारी अनुसार मतदान अधिकृतसहितका कर्मचारीहरू मतदानस्थलमा बिहीबारबाटखटिएसँगै आवश्यक तयारी सकिएको हो ।
सदरमुकाम चन्द्रगढी स्थित मुख्य निर्वाचन अधिकृतको कार्यालय र अन्य स्थानमा रहेका निर्वाचन अधिकृतको कार्यालयहरुबाटसामग्री बुझेर उनीहरू कार्यक्षेत्रमा हिँडेको निर्वाचन कार्यालय झापाका प्रमुख तुलसीप्रसाद नेपालले जानकारी दिएका छन्।
‘ सबै स्थलमा कर्मचारी र सुरक्षाकर्मीहरु पुगिसक्नु भएको छ‘, नेपालले भने ।
मुख्य निर्वाचन अधिकृतसहित अन्य अधिकृतको कार्यालयबाट मतपत्र र निर्वाचन कार्यालयबाट निर्वाचनका लागि प्रयोग हुने ५६प्रकारका सामग्री, मतदाता नामावली, मतदाता परिचयपत्र र अनुसूची फारमहरू बुझेर कर्मचारी हिँडेका छन् ।
३ लाख ३१ हजार ४४ जना पुरुष ३ लाख ३२ हजार २ सय ५९ महिला तथा ८ अन्य गरी कुल ६ लाख ६३ हजार ३ सय ११ जनामतदाता रहेको झापा जिल्लामा प्रतिनिधसभातर्फ ५ सिटकालागि ९४ र प्रदेशसभातर्फ १० सिटका लागि ९८ गरी कुल १ सय ९२ जनाउम्मेदवार प्रतिस्पर्धामा छन् ।
झापा जिल्ला कारागार र मेची रंगशालासहित दुई अस्थायी र विभिन्न ठाउँमा २ सय ८५ गरी कुल २ सय ८७ वटा मतदान स्थलकायम गरिएको छ ।
त्यसैगरी दुई अस्थायी र ७ सय ६६ स्थायी गरी कुल ७ सय ६८ वटा मतदान केन्द्र रहेको निर्वाचन कार्यालय को भनाइ छ ।
निर्वाचन सुरक्षाको दृष्टिले झापाका मतदान स्थललाई ३ किसिममा वर्गीकरण गरिएको झापाका प्रमुख जिल्ला अधिकारी छविलालरिजालले जानकारी दिएका छन् ।
२ सय ७१ वटालाई अति संवेदनशील ३ सय ८१ वटालाई संवेदनशील र १ सय १४ मतदान स्थललाई सुरक्षाको दृष्टिले सामान्य रूपमावर्गीकरण गरिएको प्रजिअ रिजालको भनाइ छ ।
निर्वाचन सुरक्षाका लागि गृह मन्त्रालयको एकीकृत सुरक्षा योजनाअन्तर्गत नै नेपाली सेना, नेपाल प्रहरी, सशस्त्र प्रहरी बल तथाराष्ट्रिय अनुसन्धान विभागलाई संयुक्त रूपमा परिचालन गरिने बताइएको छ ।
७ सय ६८ मतदान केन्द्रमा ७ सय ६८ जना मतदान अधिकृत र त्यती नै संख्यामा सहायक मतदान अधिकृत तोकीएको र उनीहरु सवैकार्यक्षेत्र पुगेको बताइएको छ ।
यसैगरी प्रत्येक मतदान केन्द्रमा ५/५ गरी ७ सय ६८ मतदान केन्द्रमा ३ हजार ८ सय ४० जना सहायक कर्मचारीको व्यवस्था गरिएकोछ भने प्रत्येक मतदान केन्द्रमा ४/४ गरी २ हजार ९ सय ५२ जना स्वयम् सेवक र ७ सय ६८ मतदान केन्द्रमा १/१ गरी ७ सय ६८ जनाकार्यालय सहयोगीको व्यवस्थापन गरिएको छ ।
जिल्लामा मतदान अधिकृत, सहायक मतदान अधिकृत, सहायक कर्मचारी, स्वयम्सेवक र कार्यालय सहयोगी गरी ९ हजार ९६ जनाकर्मचारी परिचालन गरिएको निर्वाचन कार्यालयले जनाएको छ ।
शुक्रबार जिल्लाका सबै मतदान केन्द्रका सवै संरचना निर्माण भएका र शनिवार बाकी रहेका काम सम्पन्न गरी आइतबार हुने मतदानकार्यक्रम सफल पारिने निर्वाचन कार्यालय झापाका प्रमुख नेपालको भनाइ छ ।
विहान ७ देखि साँझ ५ बजेसम्म मतदान कार्यक्रम सकेर राति ११ देखि मध्यरातको १२ बजेसम्ममा सवै मतदान केन्द्रका मतपेटिकासम्बन्धित निर्वाचन अधिकृतको कार्यालयमा ल्याईसक्ने र तत्काल सर्वपक्षीय बैठक बसेर रातिदेखि नै अधिकांश क्षेत्रका मतगणनाशुरु गरीने योजनामा कार्यालय छ ।
जिल्ला सुरक्षा समितिका अनुसार सुरक्षा संवेदनशीलताका आधारमा प्रहरी परिचालन गरिएको छ । निर्वाचनलाई स्वच्छ,भयरहितबनाउनका लागि सुरक्षामा कुनै कमी नहुने समितिको भनाई छ ।
मतदान स्थल पुगेका कर्मचारीहरुले मतदान स्थललाई सिल गर्ने, मदिरा निषेधित क्षेत्र तथा होहल्ला निषेधित क्षेत्र तोकिएको सूचनाप्रकाशन गर्ने लगायतका काम भएको बताइन्छ ।
जिल्ला सुरक्षा समितिले निर्वाचनका लागि सुरक्षा सर्तकता उच्च बनाएकाले ढुक्क भएर मतदान गर्न मतदाताहरुलाई अनुरोध समेतगरेको छ ।
निर्वाचन सुरक्षाअन्तरगत पहिलो घेरामा नेपाल प्रहरी र म्यादी प्रहरी, दोस्रो घेरामा सशस्त्र प्रहरीसँगै तेस्रो घेरामा नेपाली सेनासमेतपरिचालन गरिएको छ ।
