७ मंसिर,काठमाडौं। विश्वकप २०२२ अन्तर्गत खेलमा जापानले जर्मनीमाथि सनसनीपूर्ण जित हासिल गरेको छ । बुधबार राती भएको खेलमा जापानले जर्मनीलाई २–१ को कमब्याक जित हासिल गरेको हो ।
जापानका लागि तासुमा असानोले ८३ औँ मिनेटमा गरेको गोल नै निर्णयक बनेको हो। यसअघि प्रतिस्थापन खेलाडी रिस्तु दोअनले ७५ मिनेटमा गोल गर्दै खेल एक–एकको बराबरीमा ल्याएका थिए । प्राप्त पेनाल्टीमा जर्मनीले गोल गर्दै ३३ औँ मिनेटमा अग्रता लिएको थियो ।
