६ पुष, दमक ।
कांग्रेस संसदीय दलको नेतामा प्रधानमन्त्री एवम् सभापति शेरबहादुर देउवाले बाजी मारेका छन् ।
आज बुधबार बिहान भएको मतदानमा देउवाले ६४ मत प्राप्त गर्दै विजयी हासिल गरे भने उनलाई संसदीय दलमा टक्कर दिन प्रत्यासीबनेका महामन्त्री गगनकुमार थापाले २५ मत प्राप्त गरे ।
निर्वाचन सकिए लगत्तै सिंहदरबारस्थित कांग्रेस संसदीय दलको कार्यालयमा मतगणना सुरु भएको थियो ।
निर्वाचनमा कांग्रेसका नवनिर्वाचिन ८९ सांसदले मतदान गरेका थिए ।
संसदीय दलको नेतामा प्रधानमन्त्री एवं पार्टी सभापति शेरबहादुर देउवा र पार्टीका महामन्त्री गगनकुमार थापाले उम्मेदवारी दिएकाथिए ।
देउवाको पक्षमा कांग्रेस नेता रामचन्द्र पौडेल लगायत थिए भने थापाको पक्षमा कांग्रेसको कोइराला विरासत बोकेका डा. शेखरकोइराला, युवा पुस्ताका नेताहरु धनराज गुरुङ, विश्वप्रकाश शर्मा, प्रदिप पौडेललगायत खुलेर लागेका थिए ।
यससँगै संसदीय दलको नेतामा आफू विजयी भएमा प्रधानमन्त्री पदका लागि दावी गर्ने कांग्रेस महामन्त्री समेत रहेका थापाकोसम्भावना टरेको छ भने संसदीय दलमा निर्वाचित भएसँगै देउवाले आफूलाई भावी प्रधानमन्त्रीका रूपमा प्रस्तुत गर्ने सम्भावना थपबलियो बनेको छ ।
