पुष, दमक ।
सिरहाको सह्लेश युवा क्लब दमक ३ स्थित बेलडाँगीमा बुधबारबाट सुरु भएकोप्रथम अन्तरराष्ट्रिय आमन्तृत जय हुँमागाई स्मृति गोल्ड कपको सेमिफाइनलप्रवेश गरेको छ ।
उद्घाटन खेलमा बिर्तामोड युनाइटेड फुटबल क्लब झापालाई टाई ब्रेकरमा ४–२ लेपराजित गर्दै सह्लेशले प्रतियोगिताअन्तर्गत अन्तिम ४ मा स्थान पक्का गरेको हो ।
निर्धारित ९० मिनेटको खेल गोलरहित बराबरीमा टुङ्गिएपछि खेलको निर्णयटाइब्रेकरबाट लिइएको थियो ।
खेल अवधिभर दुवै टिमले पाएका राम्रा अवसरहरु सदुपयोग गर्न सकेनन् ।
बुधबारको खेलमा सह्लेश सिरहाका सिमान्त थापा मेन अफ दी म्याच भए ।उनलाई आयोजक जय हुँमागाई स्मृति प्रतिष्ठानका अध्यक्ष शिव हुँमागाईले मेडलर नगद ५ हजार प्रदान गरे ।
भोलि बिहीबारको खेल पथरी शनिश्चरे १० (पुनर्वास) मोरङ र शान्तिनगर फुटबलक्लब सुनसरीबीच हुने आयोजकले जानकारी दिएका छन् ।
विदेशी सहित ८ टीम सहभागी रहेको प्रतियोगिताका विजेताले नगद ५लाखसहित ट्रफी, मेडल र प्रमाणपत्र प्राप्त गर्ने छन् ।
प्रतियोगिताको उद्घाटन झापा जिल्लाका सहायक प्रमुख जिल्ला अधिकारीरुद्रप्रसाद न्यौपानेले गरेका थिए ।
कार्यक्रममा दमक ३ का वडा अध्यक्ष नवीन बराल, दमक २ का वडा अध्यक्षप्रजापति सापकोटा, भुटानी शरणार्थी शिविर व्यवस्थापन समितिकापदाधिकारी, सामाजिक अगुवाहरु, खेलकुदसँग सम्बन्धित अगुवाहरुकोसहभागिता रहेको थियो ।
