२७ पुष, जनकपुर ।
मधेश प्रदेशको मुख्यमन्त्रीमा जनता समाजवादी पार्टी, नेपाल (जसपा) संसदीय दलका नेता सरोज यादव नियुक्त भएका छन् ।
प्रदेश प्रमुख हरिशंकर मिश्रले संविधानको धारा १६८ को उपधारा २ बमोजिम यादवलाई मुख्यमन्त्रीमा नियुक्त गरेका हुन् ।
६३ सांसदको हस्ताक्षरसहित यादवले बुधबार नै मुख्यमन्त्रीका लागि प्रदेश प्रमुखसमक्ष दावी पेश गरेका थिए ।
१ सय ७ सदस्यीय मधेश प्रदेश सभामा बहुमत सिद्ध गर्न ५४ जना प्रदेशसभा सदस्य आवश्यक पर्छ ।
यादवलाई जसपाका १६, नेकपा एमालेका २३, जनमत पार्टीका १३, नेकपा माओवादी केन्द्रका ९, राष्ट्रिय प्रजातन्त्र पार्टी र नेपालसंघीय समाजवादी पार्टीका १/१ सदस्य गरी ६३ जनाले समर्थन गरेका छन् ।
मधेस प्रदेशको मुख्यमन्त्रीमा दावी पेश गर्न प्रदेश प्रमुख मिश्रले पुस २८ गते अपरान्ह ४ बजेसम्मको समय सीमा तोकेका थिए ।मुख्यमन्त्री नियुक्त भएका यादव मधेस प्रदेशका निवर्तमान सभामुख हुन् ।
गत मंसिर ४ गते सम्पन्न निर्वाचनमा उनी बारा क्षेत्र नम्बर १ को प्रदेश सभा (२)बाट निर्वाचित भएका थिए । २०७४ को निर्वाचनमा पनियादव तत्कालीन राष्टृय जनता पार्टी (राजपा) बाट सोही निर्वाचन क्षेत्रमा विजयी भएका थिए ।
