माङसेबुङ । माङसेबुङ गाउँपालिकाले कृषकहरुलाई खुमलसेतो जातको आलुको बीउ निशुल्क वितरण गरेको छ । माङसेबुङगाउँपालिका वडा नं. ६ पञ्चमी बजारमा कृषि विकास शाखा माङसेबुङको आयोजनामा शनिबार एक कार्यक्रम गरी कृषकहरुलाई उन्नतजातको आलुको बीउ वितरण गरेको हो ।
उपस्थित कृषकहरुमध्ये जेष्ठ कृषक माङसेबुङ ६ निवासी ८३ बर्षीय फुलश्वरी राईलाई कार्यक्रमको प्रमुख अतिथि समेत रहेकामाङसेबुङ गाउँपालिका अध्यक्ष हेमन्त राईले आलुको बीउ प्रदान गरि बीउ वितरण कार्यक्रमको उद्घाटन गरिएको थियो ।
माङसेबुङ गाउँपालिकालाई कृषिको क्षेत्रमा समृद्ध बनाउन गाउँपालिकामा विभिन्न कार्यक्रमहरु सञ्चालन गर्ने योजनाका साथ अघिबढिरहेको गाउँपालिका अध्यक्ष हेमन्त राईले बताए । गाउँपालिकाको भुगोल अनुसार माटो सुहाउने योजनाहरु तय गरिएको रअन्यवडाहरुको लागि एबोकार्डो बिरुवा वितरण लगायतको कार्यक्रमहरु रहेको अध्यक्ष राईले बताए ।
माङसेबुङ गाउँपालिका कृषि तथा पशुपालनको राम्रो सम्भावना भएको भुगोल रहेकोले यस शीर्षकमा रकम वृद्धि गरिदै लगिएकोपालिका उपाध्यक्ष विनोद नेम्बाङले बताए । पशु विकास क्षेत्रमा उन्नत जातको गाईको बाछि वितरण गर्ने कार्यक्रमहरु रहेछ छ । जसकालागि कृषकहरुको लागत साझेदारीमा वितरण गरिने उपाध्यक्ष नेम्बाङले बताए ।
माङसेबुङ गाउँपालिका वडा नं. २ र ६ को माथिल्लो क्षेत्रका २ सय ३६ जना कृषकहरुलाई आलुको बीउ वितरण गरिएको कृषि विकासशाखा अधिकृत सुरज अधिकारीले बताए ।
कृषि तथा पशु क्षेत्रको विकासका लागि पालिकाले यस वर्षबाट दुध, स्कूस, कफि, पहेली दाल, बाँस र केरा खेति कृषकहरुका लागिप्रोत्साहन कार्यक्रम समेत सुरु गरेको छ ।
माङसेबुङ गाउँपालिका वडा नम्बर ६ का वडाध्यक्ष प्रदिप साम्पाङको अध्यक्षतामा तथा गाउँपालिका अध्यक्ष हेमन्त राईको प्रमुखआतिथ्यतामा भएको कार्यक्रममा उपाध्यक्ष विनोद नेम्बाङ, कार्यपालिका सदस्य तथा प्रवक्ता सुसन राई (रुङमाहाङ), वडा नम्बर ६ कावडासदस्य द्वय, खगेन्द्र खड्का र दिवस राई, कृषि विकास शाखा अधिकृत सुरज अधिकारी, सहायक अधिकृत निरुपा राई लगायतकोउपस्थिति रहेको थियो ।
