४ फागुन, दमक ।
इलामको चुलाचुली ४ मा सञ्चालित ३ दिने आधारभूत नेतृत्व विकास तालिम बुधबार सम्पन्न भएको छ ।
युवा पुस्ताको व्यक्तित्व विकासलाई लक्षित गरेर वडा नम्बर ४ स्थित वडा कार्यालयको सभाहलमा सोमबारदेखि आयोजना गरिएको ३दिने तालिम सम्पन्न भएको हो ।
सो तालिम समापन कार्यक्रममा बोल्दै वडा नम्बर ४ का वडा अध्यक्ष सागर जबेगूले युवा लक्षित कार्यक्रम बनाउने कुरा बढी उठ्ने गरेपनि योजना तर्जुमा गर्ने समयमा भने भौतिक विकास र पूर्वाधारकै कुरामा जोड दिने परिपाटी रहेको बताए ।
उनले युवा पुस्ताले नेतृत्व विकासमा ध्यान दिए समग्र समाज सचेत र जागरुक हुने सुझाए ।
युवाले समाज र देशको नेतृत्व गर्न सक्छ भन्ने सन्देश तालिममार्फत दिन खोजिएको भन्दै वडा सदस्य विष्णु माया गजमेरले तालिममासहभागी भएर आफूले पनि धेरै नयाँ कुरा सिकेको बताइन ।
३ दिने तालिमलाई सहजकर्ताका रूपमा फोनिज संघीय समितिका उपाध्यक्ष कमन देवानले सहजीकरण गरेका थिए ।
२० जना महिला सहित ४० जना भन्दा बढी प्रशिक्षार्थी तालिममा सहभागी थिए ।
कार्यक्रममा वडा सदस्य दिलमाया राईलगायत स्थानीय टोल विकास संस्थाका अध्यक्ष प्रतिनिधिहरु सहभागी थिए ।
सुदेश खावाहाङ राईको सञ्चालन रहेको सो कार्यक्रम
युवा लक्षित कार्यक्रम उपभोक्ता समितिका अध्यक्ष चक्र गजमेरको अध्यक्षतामा सम्पन्न भएको थियो ।
