१५ फागुन, दमक ।
वर्तमान सत्ता साझेदार मध्येको ठूलो दल नेकपा एमाले सरकारबाट बाहिरिने भएको छ ।
एमालेको सोमबार बसेको सचिवालय बैठकले पुष्पकमल दाहाल ‘प्रचण्ड’ नेतृत्वको सरकारबाट पार्टी बाहिरिने निर्णय गरेको हो ।
साथै सरकारलाई दिएको समर्थन पनि पार्टीले फिर्ता लिने निर्णय गरेको उपाध्यक्ष विष्णु पौडेलले जानकारी दिएका छन ।
फागुन २५ गते हुने राष्ट्रपति निर्वाचनमा कांग्रेस, माओवादी, जसपासहित ८ दलीय मोर्चा बनेपछि एमालेले विधिवत रूपमा आजसरकारबाट बाहिरिँदै सरकारलाई दिएको समर्थन फिर्ता लिएको हो ।
गत पुष १० गते प्रधानमन्त्री एवम माओवादी केन्द्रका अध्यक्ष पुष्पकमल दाहाल प्रचण्डलाई सघाउँदै गर्दा माओवादीसँग आधा आधाकार्यकाल प्रधानमन्त्री हुने, सभामुख पद र राष्ट्रपति पद समेत आफूले पाउने शर्तमा समर्थन गर्दै एमाले दाहाल नेतृत्वको सरकारमासहभागी भएको थियो ।
एमाले–माओवादी समीकरणमा गठित सरकारमा सहभागी भएका मध्ये रास्वपा र राप्रपाले यस अघि नै सरकार छाडिसकेका छन ।
संवैधानिक प्रावधान अनुसार सरकारलाई दिएको समर्थन फिर्ता लिएमा प्रधानमत्रीले ३० दिनभित्र संसदमा पुन: विश्वासको मतलिनुपर्दछ ।
