२५ फागुन, दमक ।
जनता समाजवादी पार्टी नेपाल (जसपा) ले संसदीय दलका नेता राम सहाय प्रसाद यादवलाई उपराष्ट्रपतिको उम्मेद्वार बनाउने निर्णयगरेको छ ।
जसपा केन्द्रीय कार्यकारिणी समितिको आज दिउँसो बसेको बैठकले उपराष्ट्रपतिको निर्वाचनमा यादवको नाम सर्वसम्मत पास गरेको हो ।
सत्ता गठबन्धनमा भागबन्डा गर्दा राष्ट्रपति नेपाली कांग्रेसले र उपराष्ट्रपति जसपाले पाउने सहमति भएको थियो ।
८ दलीय गठबन्धनको साझा उम्मेद्वारका रूपमा यादवको जित पक्का जस्तै छ ।
उपराष्ट्रपति पदको लागि फागुन २७ गते मनोनयन र चैत ३ गते निर्वाचन कार्यक्रम तोकिएको छ ।
