माङसेबुङ पालिकासहित थप २ वटा वडामा तालाबन्दी
२७ फागुन, माङसेबुङ ।
प्रदेश नं. १ पुनः नामाङ्कन संयुक्त संघर्ष समितिले इलामको माङसेबुङ गाउँपालिका र वडा नम्बर २ र ६ को वडा कार्यालयमातालाबन्दी गरेको छ ।
कोशी प्रदेश नामांकनको विरोधमा शुक्रबार संघर्ष समितिले माङसेबुङ गाउँ कार्यपालिकाको कार्यालय इभाङमा तालाबन्दी गर्दैकालो झण्डा गाढेको हो ।
पालिका केन्द्र नजिकै रहेको वडा नम्बर २ र पश्चिम उत्तरमा रहेको ६ नम्बर वडा कार्यालयहरु तालाबन्दी गरिएका छन ।
यस अघि वडा नम्बर ५ को वडा कार्यालय र ३ नम्बर वडाको सेवा केन्द्रमा तालाबन्दी भएको थियो ।
आन्दोलनकारीले कोशी प्रदेश खारेज गर, पहिचान बिनाको प्रदेश मान्दैनौं, पहिचान विरोधी होसियार, प्रदेश नं १ को पुन: नामाकरणगर लगायत नाराबाजी गरेका थिए ।
तालाबन्दी र कालो झण्डा गाढे पश्चात आयोजित कोणसभालाई आन्दोलनकारीको तर्फबाट मनकुमार आङ्बुहाङले सम्बोधन गरेकाथिए ।
गाउँसभा स्थगित
यसैबीच शुक्रबारलाई डाकिएको माङसेबुङ गाउँपालिकाको १२ औं गाउँसभा आन्दोलनका कारण स्थगित भएको छ ।
कोशी प्रदेश खारेजी आन्दोलनका आन्दोलनकारीले कार्यपालिका नै तालाबन्दी गरेपछि गाउँसभा प्रभावित भएको हो।
शुक्रबारको गाउँसभा स्थगित भएको माङसेबुङ गाउँपालिकाका अध्यक्ष हेमन्त राईले जारी गरेको सूचनामा उल्लेख छ ।
