२७ माघ, दमक ।
झापाको दमकमा भोलि आइतबारबाट शुरु हुने पाँचौ दमक महोत्सवको तयारी पूरा भएको छ ।
माघ २८ गते देखि शुरु हुने पाँचौ दमक महोत्सव –२०८० को तयारी पूरा भएको महोत्सव मूल आयोजक समितिका संयोजक राजु खड्काले जानकारी दिए ।
संघीय सरकारका अर्थमन्त्री डा. प्रकाशशरण महतले उद्घाट्न गर्ने सो महोत्सवमा बिकृतीजन्य खेल तमासा समावेश नरहेको संयोजक खड्काको भनाइ छ ।
एक सय भन्दा बढि स्टलहरु बुकिङ भईसकेको जानकारी दिँदै उनले भने -‘यो महोत्सवलाई खास महोत्सव बनाउने अभियानमा छौं ।’
उद्घाटनका दिन महोत्सवस्थल प्रवेश नि : शुल्क गरिएको दमक उद्योग बाणिज्य संघ दमकका अध्यक्ष गोपाल गुरागाईंले जानकारी दिए ।
स्थानीय जातीय र साँस्कृतिक पहिचानहरुको प्रदर्शनीसहित सुरु हुने महोत्सवमा ख्याति कमाएका कलाकारहरुले प्रस्तुति दिने छन् ।
महोत्सवमा ६ करोडभन्दा बढीको कारोबार हुने अपेक्षा रहेको अध्यक्ष गुरागाईले बताए ।
