इलाम । इलाममा सात दिने उद्घोषण,नेतृत्व विकास तथा प्रस्तावना लेखन तालिम सुरू भएको छ । बिर्तामोड एजुकेशन फाउन्डेसन इलाम शाखाको आयोजनामा आजदेखी तालिम सुरू भएको हो ।
इलाम नगरपालिका स्थित फाउन्डेसनको कार्यलयमा सुरू भएको तालिममा ३४ जना बिधार्थीहरूको सहभागिता रहेको छ ।
समुदायमा रहेका स्थानीय युवा तथा बिधार्थीहरूको सीप,आत्मविश्वास र व्यक्तित्व विकासमा प्रोत्साहन गर्ने उद्देश्यले निःशुल्क रूपमा यो तालिमको आयोजना गरिएको इलामका शाखा प्रमुख दोर्जे शेर्पाले बताए ।
तालिममा बरिष्ठ पत्रकार तेजेन्द्र काफ्ले,सञ्चारकर्मी भूमिका फियाक लिम्बू,डाः कमल कोइरालाले सहजीकरण गरिरहेका छन् ।तालिम मंसिर २० गते सम्म सञ्चालन हुनेछ ।
