कृष्णा जन्माष्टमीको दिन पारेर दमकमा सदाको वर्ष झै निकालिएको रथयात्रामा सहभागीहरुको लागि स्विट सिटिले पानी वितरण गरेको थियो । क्लबका तृतीय उपाध्यक्ष अशोक बराइलीको संयोजकत्वमा भएको उक्त वितरण कार्यमा १००० भन्दा बढी भक्तजनहरुलाई पानी वितरण गर्ने कार्य सम्पन्न गरेको थियो ।
उक्त रथयात्रामा दमक लखनपुरका लायन्स क्लबहरुको पनि सहभागीता रहेको थियो भने दमक जेसिज, रोटरी क्लब, दमक उद्योग वाणिज्य संघ, हिमालय मा.वि., लाइफ लाइन हस्पिटल, रेडक्रस दमक शाखा जस्ता अन्य थुप्रै संघ संस्थाहरुको सहभागिका रहेको थियो । हजारौँका भिडमा रहेको भक्तजनहरुलाई व्यवस्थापन गर्नमा नेपाल प्रहरी, ट्राफिक प्रहरी र सशस्त्रहरुले सहयोग पुर्याएका थिए
रथयात्रामा संलग्न भक्तजनहरुको लागि पानी वितरण साथै व्यवस्थापनको लागि स्विट सिटिका सदस्यहरुले शुरुदेखि अन्त्यसम्मनै सहयोग गरेको क्लबका अध्यक्ष विश्वास बाबुले बताउनु भयो ।
