adv
Advertise Expired !

गुफामा हराएको भेडा ६ वर्षपछी यस्तो अचम्म अवस्थामा फेला पर्‍यो ! {फोटो फिचर सहित}

न्युजिल्याण्डमा सन् १९९७ मा एउटा भेंडा भागेर गुफामा लुक्यो । स्थानीय एक भेंडा फार्ममा रहेका १७ हजार भेंडामध्ये एउटा जिद्दी र डरपोक भेंडा थियो त्यो । जब ऊन काढ्नका लागि भेंडाहरुलाई बाहिर निकालिएको थियो, त्यहीँ बेला त्यो भेंडा गुफाभित्र छिरेको थियो । गुफाभित्र पसेसँगै त्यो भेंडा मालिकको आँखा छल्दै ६ वर्षसम्म गुफाभित्रै बस्यो ।

जब ६ वर्षपछि भेंडालाई मानिसहरुले गुफामा फेला पारे, तब त्यो कुनै भेंडा हो भनेर छुट्टाउनै नसकिने अवस्थामा थियो । ४ वर्षको उमेरमा गुफा पसेको भेंडा १० वर्षको उमेरमा बाहिर निस्किँदा जिउमा २० जना मानिसलाई शुट बनाउन पुग्नेजति ऊन पालेको थियो ।

भेंडाको शरीरमा ६० पाउण्ड ऊन जम्मा भएको थियो र भेंडाको जिउ नै उनको डल्लाजस्तो भएको थियो ।

भेंडाको उनले ढाकिएर डल्लोजस्तै बनेको त्यो भेंडाको तस्वीर त्यसबेला खुबै चर्चित बनेको थियो । चर्चासँगै यो भेंडाको नाम श्रेक राखिएको थियो, जुन एउटा एनिमेटेड फिल्मको पात्रको नाम हो । भेंडा सेलिब्रेटी नै बन्यो र उसको जिउबाट काढिएको ऊन महंगोमा लिलाम भयो ।

सन् २०११ मा बिरामी परेर उक्त भेंडाको मृत्यु भयो । उक्त भेंडाको मृत्युमा न्युजिल्याण्डमा कुनै राजनेताको मृत्युजस्तै गरी शोक मनाइएको थियो ।
-एजेन्सी

adv

Leave a Reply

Your email address will not be published. Required fields are marked *

सम्बन्धित शीर्षकहरु