लायन्स क्लव अन्तर्गत डिस्ट्रिक्ट ३२५ ए.वानको दोस्रो रेगुलर क्याविनेट मिटिङ शनिवार विराटनगर स्थित आर.आर.एन.को सभाहल भट्टा चौकमा सम्पन्न भएको थियो । लायन्स क्लब अफ विराटनगर मोरङ, विराटनगर फ्यूजन, इटहरी ग्रिन सिटी र दमक ग्रिन सिटीले संयुक्त रुपमा आयोजना गरेको उक्त कार्यक्रमको अध्यक्षता वर्ष १०१८/१९ का डिस्ट्रिक्ट गर्भनर लायन अनन्त भेटवालले गर्नु भएको थियो भने लायन्स क्लबका अग्रजहरुको प्रमुख अतिथी, अतिथीहरुको उपस्थिति रहेको थियो ।
विभिन्न लायन्स क्लबहरु साथै लायन्स क्लबका प्रेसिडेन्टहरुलाई विभिन्न विद्यामा प्रशंसा पत्रद्वारा सम्मानित भएको थियो । उक्त कार्यक्रममा लायन्स क्लब अफ दमक स्विट सिटीले यसै वर्ष मातृत्व प्रदान गरेको लायन्स क्लब अफ मिक्लाजुङलाई नयाँ क्लबहरु मध्ये छोटो समयमा राम्रो र धेरै काम गरे वाफत क्लबका अध्यक्ष लायन रुद्र भण्डारीलाई गर्भनर लायन अनन्त भेटवालले बेस्ट प्रेसिडेन्टबाट सम्मान गरेको थियो ।
उक्त कार्यक्रममा वर्ष २०१८/१९ का गर्भनरले आउने दिनहरुमा डिस्ट्रिक्ट ३२५ ए.वान लाई १ नम्बर पोजिसनमा ल्याउने र त्यसका लागि आगामी दिनहरुमा गर्नु पर्ने कार्यहरुको विवरण समेत पेश गर्नु भयो, भने सम्पूर्ण लायन्सहरुलाई उक्त कार्यमा सबैले हातेमालो गरेर जानु पर्ने वताउनु भयो ।
उक्त कार्यक्रममा लायन्स क्लब अफ दमक स्विट सिटीका अध्यक्ष रमेश कुमार कामत (विश्वास बाबु) पनि सम्मानित हुनु भएको थियो ।
उचित कार्यको उचित मुल्याँकन एकदिन हुन्छ भन्ने कुराको प्रमाण हो यो,बधाई मित्र लायन रुद्र (भाई) लाई–