काठमाडौं, ९ चैत्र ।
वैदेशिक रोजगारीको क्रममा हाल बहराइनमा रहेका तीन जना नेपालीलाई कोरोना भाइरसको संक्रमण भएको पुष्टि भएको छ ।
नाम र नेपालस्थित स्थायी ठेगाना नखुलाइएका उनीहरुमा कोरोनाको संक्रमण देखिएकाले हाल क्वारेन्टाइनमा राखेर उपचार थालिएको बहराइनस्थित नेपाली राजदूत पदम सुन्दासले जानकारी दिएका छन् ।
उनीहरुको त्यहाँस्थित स्थानीय अस्पतालमा उपचार भैरहेको नेपाली दूतावासले जनाएको छ । दूतावासका अनुसार बहराइनमा करिब ३५ हजार नेपाली रहेका छन् ।
