काठमाडौं, २६ वैशाख । विश्वमा कोरोना भाइरसको महामारीका कारण मृत्यु हुनेको संख्या बढिरहेको छ
यो समाचार तयार पार्दा सम्म हालसम्म २ लाख ७० हजार ७ सय २० जनाको मृत्यु भएको छ । ३९ लाख १७ हजार ६ सय २७ जना संक्रमित मध्ये १३ लाख ४४ हजार १ सय ६४ जना उपचारपछि निको भएका छन् ।
पछिल्लो तथ्यांक अनुसार कोरोनाका कारण अमेरिकामा ७६ हजार ९ सय २८ जनाको मृत्यु भएको छ भने संक्रमितको संख्या १२ लाख ९२ हजार ६ सय २३ जना पुगेको छ ।
बेलायतमा संक्रमितको संख्या २ लाख ६ हजार ७ सय १५ रहेको छ भने ३० हजार ६सय १५ जनाको मृत्यु भएको छ ।
इटालीमा २ लाख १५ हजार ८ सय ५८ जना संक्रमितमध्ये २९ हजार ९ सय ५८ जनाकोे मृत्यु भएको छ ।
स्पेनमा २ लाख ५६ हजार ८ सय ५५ जना कोेरोना संक्रमित मध्ये २६ हजार ७० जनाको मृत्यु भएको छ ।
यस्तै फ्रान्समा संक्रमितको संख्या १ लाख ७७ हजार ७ सय ९१ जना पुगेको छ । जसमध्ये २५ हजार ९ सय ८७ जनाको मृत्यु भइसकेको छ ।
यस्तै जर्मनीमा १ लाख ६९ हजार ४ सय ३० संक्रमितमध्ये ७ हजार ३ सय ९२ जनाको मृत्यु भएको छ ।
भारतमा ५६ हजार ३ सय ८३ जना संक्रमित हुँदा एक हजार ८ सय ८९ को मृत्यु भएको छ ।
