भूमिका सुब्बा, विर्तामाेड, ७ जेष्ठ । झापाका पत्रकारहरुको काेराेना भाइरस परिक्षण सुरू गरिएकाे छ ।
बुधबार नेपाल पत्रकार महासंघकाे कार्यालयमा पत्रकारहरुको कोरोना जाँचका लागि थ्रोट स्वाव (घाँटीको र्याल) संकलन गरिएको हाे । पीसीआर विधिबाट कोरोना जाँच गरिने जनाएकाे छ ।
नेपाल पत्रकार महासंघ झापाको पहलमा सामाजिक विकास मन्त्रालयले पत्रकारहरूकाे काेराेना परिक्षण गर्न स्वाव संकलन गरिएकाे छ ।
जिल्ला स्वास्थ्य कार्यालय झापाका स्वास्थ्यकर्मीहरूकाे प्राविधिक सहयोगमा पहिलो चरणमा २५ जनासम्मको स्वाव संकलन गरिएकाे महासंघका अध्यक्ष तारामणि सापकोटाले बताए ।
दिउँसो अढाई बजेतिर महासंघका पूर्व अध्यक्ष एवम् नेपाल टेलिभिजनका झापा सम्बाददाता भीम नेम्वाङबाट पहिलो स्वाव संकलन गरिएको थियो ।
फाेटाेः न्यूजसञ्जाल
