काठमाडौं ,१४ जेष्ठ । झापामा बुधबार थप १७ जनामा कोरोना पुष्टि भएको छ । प्रादेशिक जनस्वास्थ्य प्रयाेगशाला विराटनगरमा परीक्षण गर्दा झापाका १७ जनामा कोरोना संक्रमण पुष्टि भएको प्रदेश १ मुख्यमन्त्री तथा मन्त्रिपरिषद कार्यालयमा रहेको कोरोना सूचना डेस्कले जनाएको छ।
संक्रमितहरु कचनकवल गाउँपालिका १५ जना र गाैरादह नगरपालिकाका २ जना रहेका छन् । यो संगै झापामा संक्रमितको संख्या ५४ पुगेकाे छ । प्रदेश १ मा संक्रमितको संख्या १ सय ४ पुगेको छ।
