काठमाडौं ,१४ जेष्ठ । नेपालमा बुधबार एकैदिन १ सय १४ मा कोरोना भाइरसको संक्रमण पुष्टि भएको छ ।
संक्रमित हुनेहरुमा झापाका १७ जना, सप्तरीका ११ जना, मकवानपुर हेटौंडाका १, रौतहटका ३६, बागलुङका ६, रुकुमका ३, दाङका १५, बाँकेका १६, सिरहाका २, बाराका ७ जना रहेका स्वास्थ्य मन्त्रालयका प्रवक्ता डा विकास देवकोटाले जानकारी दिए ।
स्वास्थ्य मन्त्रालयका अनुसार एकै दिन यति ठूलो संख्यामा संक्रमण पुष्टि भएको हो। योसँगै नेपालमा संक्रमितहरुको कुल संख्या ८८६ पुगेको छ । संक्रमित मध्ये १८३ जना निको भएर घर फर्किइसकेका छन् भने ४ जनाको मृत्यु भएको छ ।
