adv
adv

अन्तर्राष्ट्रिय झापाली समाजद्वारा झापाका १५ वटै स्थानीय तहमा भिटिएम किट वितरण

बिर्तामोड, जेठ २५ । विश्वभर छरिएर रहेका झापालीहरुको छाता संगठन अन्तर्राष्ट्रिय झापाली समाजले कोभिड १९ को विषम परिस्थितिमा झापामा कोरोना भाइरस परीक्षण गर्ने पिसिआर टेस्ट  गर्ने ट्युब (भिटीएम ) प्रदान गरेको छ ।

समाजका उपाध्यक्ष नवीन पोखरेलको नेतृत्वमा एकका लागि एक अभियान सहितको टोलीले झापाका १५ वटै स्थानीय तहमा पिसिआर टेस्ट ट्युब प्रदान गरेको हो । समाजले झापाका आठ नगरपालिका र सात गाउँपालिकामा एकएक सय थानका दरले भाइरल ट्रान्सपोर्ट मिडियम (भिटिएम) ट्युब उपलब्ध गराएको हो ।

भिटिएम ट्युब प्राप्त गरेपछि झापाका १५ वटै स्थानीय तहका प्रमुख र अध्यक्षहरुले समाजले झापामा गर्दै आएको मानवीय सेवाको प्रशंसा  गर्दै समाजको सहयोगप्रति आभार व्यक्त गरे ।

समाजका उपाध्यक्ष पोखरेलले किट वितरण गरिएका स्थानीय तहमा अन्य खालका समस्या भए समाजले सहयोग गर्ने प्रतिबद्धता जनाएका थिए । कोरोना भाइरस महामारीको समयमा आफ्नो जिल्लामा समाजले राष्ट्रिय कार्यसमितिहरूसँग समन्वय गर्दै राहत कार्यको सुरूवात गरेको पोखरेलले बताए ।

ट्युब वितरण कार्यक्रममा एकका लागि एक अभियानका सहसंयोजक विनोद बस्नेत, सदस्य केदार गिरी, झापाली समाज अस्ट्रेलियाका सदस्य भीष्म ओली, रोटरी क्लब अफ सुरुङ्गाका अध्यक्ष कुमारमणि पोखरेल, उपाध्यक्ष शिव कडेल, वीरता जेसिजका अध्यक्ष मिजास पोखरेल, महासचिव विकास बस्नेत, सदस्य प्रविन खड्का, दिवाकार प्रसाईं लगायतको सहभागिता रहेको थियो ।

यसैबीच,समाजले ‘एकका लागि एक’ अभियानअन्तर्गत झापा जिल्लामै प्रस्तावित कोरोना भाइरसको परीक्षण गर्ने ल्याबका लागि पनि सहयोग गर्ने प्रतिबद्धता जनाइसकेको छ । शनिबार साँझ बसेको समाजको बैठकले ल्याबका लागि कम्तिमा ३० प्रतिशत हिस्सा लिने निर्णय गरेको छ ।

समाजले यसअघि बाढीपीडित झापालीको ९ वटा घर बनाइदिएको थियो । त्यस्तै, तीनवटा एम्बुलेन्स सञ्चालन गरी जिल्लाबासीको सुख दुःखमा समाजसंग जोडिएको छ । अन्तर्राष्ट्रिय झापाली समाजको हाल ४० वटा देशमा समाजको विस्तार भइसकेको छ ।

adv

Leave a Reply

Your email address will not be published. Required fields are marked *

सम्बन्धित शीर्षकहरु