adv
adv

मेचीनगरका पत्रकारहरु आबद्द २ संस्थाबीच एकीकरण,अब प्रेस क्लब मेचिनगर रहने

मेचीनगर,१३ असार । झापाको मेचीनगरमा क्रियाशील पत्रकारहरु आबद्द २ वटा संस्थाहरुबीच एकीकरण भएको छ ।

काँकरभिट्टा खानेपानि संस्थाको सभाहलमा आयोजित एकीकरण घोषणा सभामार्फत शनिबार  मेची बोर्डर जर्नालिष्ट एशोसिएसन र प्रेस क्लव मेचीनगर बिच एकीकरण भएको हो ।

 एकीकरण पछिको संस्थाको नाम प्रेस क्लब मेचिनगर दिईएको छ । अब मेचीनगरमा क्रियाशील पत्रकार अट्ने गरीको साझा संस्था बनाउने र तीन महिनाभित्र अधिवेशन गर्ने निर्णय भएको छ ।

आगामी असोज १३ गतेभित्र अधिवेशन सम्पन्न गर्न मेची बोर्डर एसोसिएसनका तत्कालीन अध्यक्ष मुक्ति पौडेल संयोजक, प्रेस क्लबका तत्कालीन अध्यक्ष ज्ञानेन्द्र निरौला सहसंयोजक र नयाँ पुस्ताको नेतृत्व गर्दै पत्रकार झुलन रेग्मी सचिव रहने गरीको समिति सर्वसम्मत चयन गरिएको छ । समितिमा मेचीनगरमा क्रियाशील सबै पत्रकार सदस्य रहने छन् ।

नयाँ सदस्यता वितरण तथा क्लब गठन प्रक्रियालाई अघि बढाउँदै तीन महिनाभित्र अधिवेशन गराउनु पर्ने समितिलाई पत्रकारहरुको एकीकरण भेलाले म्यान्डेट दिएको छ । मेचीनगरमा ४० भन्दा बढी पत्रकार क्रियाशील छन् ।

एकीकरण कार्यदलका संयोजक तथा पत्रकार महासंघ झापा सचिव सन्तोष आचार्यको अध्यक्षता तथा प्रदेश सांसद श्रीप्रसाद मैनालीको प्रमुख आतिथ्यतामा सम्पन्न सभामा कार्यदलका सदस्य तथा पत्रकार महासंघका पूर्व केन्द्रीय सदस्य मोहन काजी, पूर्व अध्यक्षहरु मुक्ति पौडेल, ज्ञानेन्द्र निरौलालगायतले मन्तव्य राखेका थिए । कार्यक्रमको सञ्चालन कार्यदलका सदस्य प्रकाश पौडेलले गरेका थिए ।

adv

Leave a Reply

Your email address will not be published. Required fields are marked *

सम्बन्धित शीर्षकहरु