adv
adv

प्रदेश १ मा थप ६१ जनामा कोरोना संक्रमण पुष्टि

काठमाडाैँ । प्रदेश एकमा थप ६१ जनामा कोरोना भाइरसकाे संक्रमण पुष्टि भएकाे छ।

शनिबार संक्रमित हुनेहरु  मोरङबाट ४८, सुनसरीबाट १० र ३ जना प्रदेश २ को महोत्तरी र राजविराजका रहेका प्रदेश एककाे सामाजिक विकास मन्त्रालयले जनाएको छ  ।

मन्त्रालयका अनुसार विराटनगर महानगरपालिकामा ७ जना महिला र २६ जना पुरुषमा संक्रमण पुष्टि भएको छ।

त्यसैगरि, बुढीगंगा गाँउपालिकामा १२ पुरुष, कटहरी गाँउपालिका, धनपालथान गाँउपालिका र उर्लाबारी नगरपालिकामा समान १ जना महिलामा संक्रमण भएको छ।

सुनसरीको धरान उपमहानगरपालिकामा २ महिला र २ पुरुष, दुहबी नगरपालिकामा ३ पुरुष र १ महिला, इनरुवा नगरपालिकामा २ पुरुषमा समेत संक्रमण पुष्टि भएको मन्त्रालयले जनाएको छ। यससंगै प्रदेश २ को महोत्तरीबाट १ महिला र १ पुरुष र राजविराजका १ पुरुषमा संक्रमण पुष्टि भएको मन्त्रालयले जनाएको हो। उनीहरुको विराटनगरमा स्वाबको नमूना संकलन गरिएको थियो।

शनिबार ३ सय ३७ महिला र १ हजार १ सय ९७ पुरुष गरी १ हजार ५ सय ३४ जनाको पीसीआर परीक्षण गरिएको मन्त्रालयले जनाएको छ। जसमध्ये ६१ जनाको रिपोर्ट पोजेटिभ आएको हो।

प्रदेशमा हालसम्म ५१ हजार ६ सय ६६ जनाको पीसीआर नमुना संकलन गरिएकोमा १ हजार ३ सय ८३ जनाको पीसीआर रिपोर्ट पोजेटिभ आएको मन्त्रालयले जनाएको छ। त्यसैगरि ५० हजार २ सय ८३ जनाको रिपोर्ट नेगेटिभ आएको छ।

adv

Leave a Reply

Your email address will not be published. Required fields are marked *

सम्बन्धित शीर्षकहरु